Dilim bülbül gibi derd-âşinâ-yı şîven olmuşdur
12.04.2016
(Mefâîlün Mefâîlün Mefâîlün Mefâîlün)
1 Dilim bülbül gibi derd-âşinâ-yı şîven olmuşdur
Vücûdum dâg dâg-ı hasretiyle gülşen olmuşdur
2 Olur pertev-fürûz-ı şöhret ışk-ı yâr sînemde
Tebessümgâh-ı âteş der-miyân-ı külhan olmuşdur
3 Döner pervâneâsâ başıma her ârif-i billâh
Dilim bezm-i hakîkatde çerâg-ı rûşen olmuşdur
4 Hevâ-yı bûse-i lali ile ol şûhu incitdim
Ne olduysa bana keyfiyyet-i sahbâdan olmuşdur
5 Haber ver Haşmetâ ahbâba vech-i uzletim söyle
Sebeb bu inzivâya bir büt-i sîmîn-ten olmuşdur
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),
