Eli altında olma kimsenüñ hâtem gibi zinhâr
13.04.2016
Gazel
mefâ’îlün mefâ’îlün mefâ’îlün mefâ’îlün
Eli altında olma kimsenüñ hâtem gibi zinhâr
Kimesne dimeye tâ kim gözüñ üstinde kaşuñ var
Eyü adı kazan âlemde kâmillerle hem-dem ol
Seni mûm ile tâ kim okuyalar hatt-ı hâtem-vâr
Bu dehr-i Ehremen mûrum Süleymân’umdan ayırdı
N’ola taşlar basarsam bagruma hâtem gibi her bâr
N’ola halka idüp kaddüm urursam başuma taşı
Benüm hâtem gibi başumda ol yazu imiş ey yâr
Seni barmag ile tâ göstere Zâtî kamu âlem
Düşüp oda köze hâtem gibi kâl eyle kalbuñ var
