Ey felek döne döne alma günâhum hazer it

Gazel

Ey felek döne döne alma günâhum hazer it

Yıldırım kamçılı bir kimsedür âhum hazer it

Şâh-ı aşkam şerer-i âteş-i âhum sipehüm

Yanar oddur benüm ey şâh sipâhum hazer it

Hırmen-i mâh yanar dâne-i encüm kül olur

Âlemi zulmet ider dûd-ı siyâhum hazer it

Ey gözüm nûrı beni yakma firâk âteşine

Âh itdürme bana ey yüzi mâhum hazer it

Zâtiyâ sâikadan hırmen-i sabrun tutuşur

Çekilürken göğe bu ejder-i âhum hazer it2

 Zati Hayatı

Divanı Mecmuat’ül Letaif

Şem ü Pervane

Zati ile Mesihi atışmas