Ey kâr-ı kazâ gamze-i hûn-hâruna mahsûs

1.Ey kâr-ı kazâ gamze-i hûn-hâruna mahsûs

 Olmaz mı vefâ çeşm-i cefâ-kâruna mahsûs

2.Âşûb-gerî şîve-i reftâruna lâzım

 Şîrîni-i cân lezzet-i güftâruna mahsûs

3.Âyine-i küll olsa da perhîz-i nezâre

 Olmış ezelî nergis-i bîmâruna mahsûs

4.Hâkisterün bülbül-i virâneyi k’oldu

 Reng-i ruh-ı şu’le gül-i dîdâruna mahsûs

5.Dil-beste-i zülf itme Mesîhâ’yı ki olmaz

 Her dil girih-i rişte-i zünnâruna mahsus

6.Nevmî-i nüvâziş-geri-i lutfunam ey kâş

 Olsam gazab-ı çeşm-i dil-âzâruna mahsûs

 (Fehîm-i Kadîm Divanı, 1991: G.146)

 Fehim-i Kadim Hayatı ve Eserleri

Fehim-i Kadim Divanı

Fehim-i Kadim Şehrengizi Diğer Eserleri