Gazel 

 

Gamzen hadengi zahm uralı câne Mustafâ

Derd ü gam ile döndi ciger kane Mustafâ

 

Hâlün hadün yüzinde ne zâlimdür âh kim

İslâm içinde kasd ider îmâne Mustafâ

 

Olsan revân bu kâmet ile haclet irişür

Sahn-ı çemende serv-i hırâmâne Mustafâ

 

Bülbül gam ile lâl u hayâdan gül âb olur

Gelsen bu tal’at ile gülistâne Mustafâ

 

Pervâne gibi şem’-i ruhun şevkı yâdına

Hicrân odıyla dil nice bir yane Mustafâ

 

Bu derd-i telh-i hecr Nizâmîyi öldürür 

Şîrîn-lebünden irmese dermâne Mustafâ 

 

İpekten, Haluk (hzl.) (1974). Karamanlı Nizâmî, Hayatı, Edebî Kişiliği ve Divanı. Ankara: Atatürk Üniversitesi Yay. 242.

 

Karamanlı Nizami Hayatı

Divanı ve Şiirleri