Garik-i lücce-i aşkam fenâ nedür bilmem
09.04.20161.Garik-i lücce-i aşkam fenâ nedür bilmem
Ümîd-i sâhil içün âşinâ nedür bilmem
2.Ne câme geysem ider âteş-i dilüm sûzân
Cihanda şuleden özge kabâ nedür bilmem
3.Hemîşe saykâl-ı âyînem oldı jeng-i belâ
Henüz pertev-i rûy-ı safâ nedür bilmem
4.Ne bîm-i mihnet-i dûzah ne ârzû-yı behişt
ġarâb-ıaşk ile havf u recâ nedür bilmem
5.Belâ-yı hükm-i kazâya tereddüd itsem
Velî o gamzeye çûn u recâ nedür bilmem
6.Nigâh-ı çeşmi nedür lutf ile tebessümi ne
Bu şîveden şehün müdde„â nedür bilmem
7.Hemen vücûdımı mahv eylesem yeterdi Fehîm
Ümîd-i hesti-i mülk-i bekâ nedür bilmem
(Fehîm-i Kadîm Divanı, 1991: G.2
0
1
Yorum Yapmak için Kayıt Olun veya Giriş Yapın