1 . Ger tende zahm-ı tîrün aça ser-be-ser dehen
Sana du alar eyleye ey dost her dehen
2 . Mahbüblarda olmasa dürc-i dürer dehen
Göstermez idi söze gelicek güher dehen
3. Perkâr gibi küyunı çigzinmez idi dil
Nokta misâli olmasa sende eger dehen
4. Alüde eyleyüp mey-i telh ile la'lüni
Lutf it acıtma cânumuzı ey şeker-dehen
5. Bir büse istesek bize yokdan gelür lebün
Benzer ana bu şiveyi ta'lim ider dehen
6 . Sen gül-ruha ağız haberin dimege şehâ
Açmış sabâ yeline seher goncalar dehen
7. Her beyti gül budağına benzer Mesihînün
Kim uçlarında goncadan ola birer dehen
MİNE MENGİ, MESÎHÎ'NİN HAYATI, ŞAİRLİĞİ YE ESERLERİ, https://dergiler.ankara.edu.tr/dergiler/12/844/10675.pdf