Göz gördi göñül sevdi şu bir ‘işveli kürdi

mef’ûlü mefâ’îlü mefâ’îlü fa’ûlün

Göz gördi göñül sevdi şu bir ‘işveli kürdi

Göñlüm bilür anı ki gözüm anda ne gördi

 Ney kimi işüm nâledür andan berü kim ‘ışk

 Nâyî kimi agzın koyub agzumda üfürdi

 Ne gördi ne işitdi ‘aceb münkir-i hod-bîn

 Yanguya ürer kûy köpegi tek hele ürdi

 Sevdâ-yı ser-i zülfüñe irem diyü miskîn

 Kalmadı mecâli dilüñ anca ki yügürdi

Yarı nemek ü yarı şeker bitdi hemân-dem

Ol gonce-dehen guncile her kande tükürdi

Cânânı gelür diyü turub şâd u tarabnâk

Göñlüm evini cânile hoş sildi süpürdi

 ‘Afv oldı suçı Rûşenî-i ‘ışk-perestüñ

 Yüzini meger kûyuñ iti izine sürdi

Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E

  Dede Ömer Ruşeni Hayatı Eserleri

Dede Ömer Ruşeni Miskinname