Gül ne cân ile kılur bu hüsn-i cânân ile bahs
Gonçe ne yüzden ider ol verd-i handân ile bahs
Bahs-i yâr ider benümle dem-be-dem bî-dîn hasûd
Hey ne kâfirdür görüŋ eyler müselmân ile bahs
Kanumı içmek diler her lahza hûnî gözlerüŋ
Kim ider ol sâhir ü mekkâr u fettân ile bahs
Pehlevânlık kârzârında bu gün Rüstem-sıfat
Eylerem meydân-ı ‘ışk içre Nerîmân ile bahs
Ey Harîmî şi‘rüŋüŋ vasfını şerh itmez hezâr
Defter ü dîvân iderse ger bu destân ile bahs Harîmî Şehzade Korkut (ö.1513)
(Akın 2009:43, 4)
0
0
Yorum Yapmak için Kayıt Olun veya Giriş Yapın