Gül ü Bülbül’den ( 1)

Kanı İskender ü kanı Dârâ

K'oldılar her biri cihân-ârâ (b.2350)

Ya Süleymân kanı ki etrâfa
Saytı irmişti Kâf'dan Kâf'a (b.2352)

Kimse bu evde kalmadı bâkî
Meger ol Hayy ü Kâdir ü Bâkî

Bu cihân iki kapulu evdür
Birinün emri â biri revdür

Bir kapudan giren olup hâzır
Bir kapudan gerü çıkar âhır

Kimseye olsa ger bu evde karâr
Rıhlet itmezdi Ahmed-i Muhtâr

Olmadı çün müyesser ana bekâ
Var kıyâs it olur mı sana bana

Fazliyâ bir rıbâtdur „âlem
Konanun kârı göçmedür her dem

itimâd itme yok bekâsı anun
Biledür „âkıbet fenâsı anun

İttikâ itme üstüvâr degül
İtimâd itme pâyidâr degül 

       Kara Fazlı ( 16. yy ) Gül ile Bülbül Mesnevisi