(Mefâîlün Mefâîlün Mefâîlün Mefâîlün)
1 Hakâyık-âşinâ-yı âleme bîgânedür dünyâ
İmâret-yâb-ı istignâya bir vîrânedir dünyâ
2 Bu bezm-i ser-nigûn-sâgarda kim def-i humâr etmiş
Dökülmüş bâde-i şevki tehî hum-hânedir dünyâ
3 Yakar ehl-i dilin şem-i şeb-ârâveş cigergâhın
Çerâg-ı bezm-i nâdâna yanar pervânedir dünyâ
4 Görüp bî-râbıta etvârı düşme kayd-ı tensîka
Sebük-magzâna âkil âkile dîvânedir dünyâ
5 Hümâ-yı arş-pervâz-ı tecerrüd et dilin Haşmet
Ki bî-had bûm-ı şûm-ı gaflete bir lânedir dünya
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),