(Fâilâtün Fâilâtün Fâilâtün Fâilün)
1 Hat girip mâ-beyn-i hüsnünde hicâb olmuş sana
Dîde-dûz-ı vaslına karşu nikâb olmuş sana
2 Âşıkın kan agladıkça şevkin efzûn olmada
Dîde-i hûn-bârımız câm-ı şarâb olmuş sana
3 Pertev-i rûyun cihân-ı hüsne rûz u şeb yeter
Cebhe meh ruhsâr-ı gül-gûn âfitâb olmuş sana
4 Var ögün ey dil bu devrin cünbiş-i ikbâline
Gerdiş-i gerdûn çerh-i âsiyâb olmuş sana
5 Mest edüp açdım o şuhun sîne-i sîmînini
Dahme-i maksûda Haşmet feth-i bâb olmuş sana
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),