Hümâ vü Hümâyûn’dan

Dîden-i Hümâyûn-râ Der-hâb

 

 

Kılup âhûların şeh mesti hâbun  

İrişdi dâmenine desti hâbun 

 

Düşinde gördi bir mergûb gülşen

Ki eyler her nazarda çeşmi rûşen

 

Salup âvâz-ı bülbül bâga gulgul

Hoş itmiş mergzârı serv ü sünbül

 

İçinde seyr ider bir hûb-çehre

Ki hüsni nûr virmiş mâh u mihre

 

Görüp kaddin iderdi cilve şimşâd

Ki ya‘nî rast budur serv-i âzâd

 

İderek zülf ile ‘anber-feşânlık

Kılurak nâz ile râz-keşânlık

(…)

Çeküp bülbülleyin gülşende âvâz

İderler keşf bu âvâz ile râz 

 

Ki vaslın isteyenler hûr-ı ‘înün

Hümâyûn’ın göre Fagfûr-ı Çîn’ün

 

Hümâ bu sözden oldı mest ü medhûş

Gözinden ‘ışk bahri eyledi cûş

 

Düşüp pâyine ol serv-i revânın

Pes andan açdı la‘l-i dür-feşânın

  Karamanlı Cemali Hayatı Eserleri

Karamanlı Cemali Divanı