İki gözüm kapuñda çün oldı iki ırmah

İki gözüm kapuñda çün oldı iki ırmah

İy verd-i bâg-ı huldum ko ahsun itme ırmah

Âhû gözüñ hayâli her lahza hâlî olmaz

Dîdemden ü dilümden idelden ayru otlah

Gördügi tâ nebâtuñ âb-ı revânı var hoş

Göñlüm gözüm hayâlüñ kışlah idindi yaylah

Seyl aparub rakîbî her dem itürmekiçün

Yârüñ mahallesinden iy gözümüñ yaşı ah

Her subh-dem çemende billâh hoş degül mi

Sen serv-kâmetile âl alışub salınmah

Budur du’â-yı ‘âşık her demde her nefesde

Yâ Rab müyesser eyle yârile hem-dem olmah

Şem’-i ruhuñ görelden bî-çâre Rûşenînüñ

Pervâne kimi işi yanmah-durur yahılmah

Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E

Dede Ömer Ruşeni Hayatı Eserleri

Dede Ömer Ruşeni Miskinname