İy felek dâim beni sen nâ-murâd itmek neden

Gazel

1. İy felek dâim beni sen nâ-murâd itmek neden

Beni gam-gîn eyleyüp ağyârı şâd itmek neden

2. Dâd elünden iy felek her gün bana cevr eyleyüp

Ol rakîb-i kâfire adl ile dâd itmek neden

3. Câhilün virüp felek maksadun ehl-i dânişün

Nâ-murâd olmasını dâim murâd itmek neden

4. Hûra benzer ol sanem-sûret de gerçi iy felek

Sen bu hüsn ile anı kâfir-nijâd itmek neden

5. Nîmet-i vaslı felek virüp rakîbe, zehrinün

Kâsesini pür idüp Adlîye zâd itmek neden

____________

Kaynakça

Mengi, M. (2010). Eski Türk Edebiyatı Tarihi. Ankara: Akçağ Yayınları.

Şentürk, A. ve Kartal, A. (2015). Eski Türk Edebiyatı Tarihi. İstanbul: Dergâh Yay.

Bayezıt Şair Adlî Hayatı

 Adli Divanı

 Tarih-i Sultan Bayezid