KASİDE- TEVFİK

KASİDE- TEVFİK

İtse âyîne-i dil kesb-i cilâ-yi tevfîk
Görünür dîde-i maksûda lika-yi tevfîk

Virdi Allahu teâlâ ana bir düstûr kim
Cebhesi matla'-i hurşîd-i safâ-yi tevfîk

Râgıb-i ehl-i suhan hazret-i Râgıb Pâşâ
TaV-i pâkîzesi mir'ât-i lika-yi tevfîk

Sadr-i Cem-pâye hudâvend-i avâtıf-mâye
Nefehât-i suhani gonce-güşâ-yi tevfîk

Sâhib-i seyf ü kalem Asaf-i allâme-şiyem
Pertev-i subh-i himem nûr-i hüdâ-yi tevfîk

Nefha-i nutku tarâvet-dih-i gülzâr-i suhan
Neyyir-i re'yi fürûg-efgen-i cây-i tevfîk

Eser-i kilk-i teri nûr-i siyâh-i irfan
Pertev-i nûr-i cihan-gîri ziyâ-yi tevfik

Bir'-i sâ'a nazarı teb-zedegân-i ye'se
Zât-i hikmet-menişi dârü'ş-şifâ-yi tevfik

Şâhid-i ilmine dil-dâde fühûl-i ulemâ
Ab ü tâb olmuş ana hüsn ü behâ-yi tevfik

Şive-i tarz-i suhani nâtıka-i fazlında
Her ne nutk itse olur hüsn-i eda-yi tevfik

Tabh bir bülbül-i hoş-lehce-i irfandır kim
Nâlesi gül-bün-i manâda nevâ-yi tevfik

O suhan-dân-i cihan devlet ile oldukça
Dergeh-i Pâdişeh'e nâsiye-sây-i tevfik

Mihr-i suhan-senc-i zaman doğdu hele
Gitdi kaht-i hüner ü geldi rehâ-yi tevfîk

Âsafâ dest-i kemâlindeki kilk-i hünerin
Nazm ü nesrinde olur nâdire-zây-i tevfîk

Nedir ol hüsn-i tevâzu' o uluvv-i himmet
Dere olunmuş diline arz ü semâ-yi tevfîk

Arayup buldu bu pâkîze zemini kalemim
Beyt-i evsâfını kayd itdi berây-i tevfîk

Ey veliyyiın-niamım vakt-i heves-kârîde
İltifatın dile virmişdi safâ-yi tevfîk

Hâk-i pâyin bana çok gördü felek sonraları
Firkat-i zâtın ile itdi cüdâ-yi tevfîk

Ba'd-ez-în Haşmet-i şeydâ kulunuz bu deme dek
Görmedi rûy-i dil-ârây-i tevfîk

Sa'd-i tâlVle gelüp hazret-i Râgıb Pâşâ
Mühr-i devlet yedine oldu atâ-yi tevfîk
( Alıntı: Dr. Mehmet Arslan-İ. Hakkı Aksoyak, Haşmet Külliyatı , a.g.e)

 Haşmet Hayatı

Haşmet ve Fıkraları

Haşmet'ten fıkralar