Ķaśįde-yi Fehįm DernaǾt-ı Ĥabįb-i Ekrem
Ķaśįde-yi Fehįm DernaǾt-ı Ĥabįb-i Ekrem Śallallāhu ǾAleyhi ve Sellem
FeǾilātün / MefāǾilün / FeǾilün
1. Dün gice çarħa kim Ǿitāb itdüm
Tā ebed vaķf-ı ıżŧırāb itdüm
2. Eyleyüp āhım āsmāna resen
ŞuǾlesin ŝāķıb-ı şihāb itdüm
3. Bād-ı dāmān-ı āh ile mihri
Āteş-efrūz-ı tef ü tāb itdüm
4. Tāb-ı dilden ketān-ı pįreheni
Reşk-fermā-yı māhtāb itdüm
5. Öyle bed-aħterem ki mihr ü mehi
BāǾiŝ-i žulmet-i seĥāb itdüm
6. Tār u pūd-ı siyāhi-yi şebden
Çihre-yi baħtuma niķāb itdüm
7. Ħįre mest-i meyi ġamam ki ne dem
Meyl-i keyfiyyet-i şarāb itdüm
8. Eyleyüp şįşesin şikest evvel
Nefes-i germile müźāb itdüm
[59a] 9. Nuķl içün aña tābiş-i dilden
Aħker-i dāġımı kebāb itdüm
10. Śoñra itdüm leb-āşinā anı
YaǾni nūş-ı şarāb-nāb itdüm
Bįmuĥābā belį cevāb itdüm
12. Biñ belā vü Ǿazāb olup teklįf
Āteş-i ışķı irtikāb itdüm
13. ǾIşķa itdüm teveccüh ü iķbāl
Źevķ-i Ǿālemden ictināb itdüm
14. ŞuǾle-sūz āteşem ki yanımdan
Zühre-yi ĥüsn ü Ǿışķı āb itdüm
15. Fikr idüp çeşm-i mestin ol şūħuñ
Meşreb-i ŧaǾbumı ħarāb itdüm
16. Āteşįn ħançer-i nigāhından
Sįnemi dūzaħ-ı Ǿazāb itdüm
17. Ŧurra-yı yārı tābiş-i dilden
Şāne-yi zülf-i pįç ü tāb itdüm
18. Yine bir şūħa oldı dil Ǿāşıķ
Yine cānım belā-meǿab itdüm
19. Nusħa-yı derd-i Ǿışķdan ammā
Ol belālarla intiħāb itdüm
20. Dįdeme intiĥāb-ı bįdārı
Baħtıma intiħāb-ı ħˇāb itdüm
21. Feyż-i Ǿaks-i ħayāl-i ĥüsninden
Cānı leb-rįz-i āftāb itdüm
22. Ħavf-ı çeşmile sįne-yi rįşüm
Tįġ-i müjgānına ķırāb itdüm
23. O tezervem ki bįm-i şāhįnden
Meskenim çengel-i Ǿuķāb itdüm
24. Gūş ķıl ey perį ki żaǾfumdan
Ġāǿibāne saña ħiŧāb itdüm
25. Bįm-i kāfir-nigāh-ı ġamzeñden
Terk-i İslām-ı bā-śavāb itdüm
26. Tevbe it žulm u cevrden yoħsa
ǾArż-ı şāĥ-ı felek cenāb itdüm
27. Şehr-i yār-ı peyamberān Aĥmed
Ki rehinde yüzüm türāb itdüm
28. O şehenşeh ki medĥ-i ħulķından
Ķalemim kān-ı müşk-nāb itdüm
29. Feyż-i naǾtile defter-i şiǾrim
Nüsħa-yı vird-i şeyħ ü şāb itdüm
30. Her günāhım ümįd-i Ǿafvile
Dāġ-ı sūz-ı dil-i ŝevāb itdüm
31. Bir duǾā k’eyledim dil-i zāre
ǾAvn-i Ǿışķile müstecāb itdüm
32. Niçe vaķt idi nāmurād idi dil
Yād-ı luŧfile kām-yāb itdüm
[59b] 33. ǾAlem-i faķrile olup Ǿāmil
Terk-i mülk-i Ferāsiyāb itdüm
34. Her zamān dir ķażāña luŧfundan
Gülşen-i dehri feyż-yāb itdüm
35. Dūd-ı Ǿūd u Ǿabįr-i aħlāķın
Her ne Ǿālemde kim seĥāb itdüm
36. Ħūşe-yi kişt-zārını nāfe
Āb-ı bārānını gülāb itdüm
37. Nūr-ı evvel bunuñla faħr eyler
Ki žuhūrına çoķ şitāb itdüm
38. Ezmine her zamān bunı söyler
Ki vücūdına intisāb itdüm
39. Oķumaķda ķader bu ebyātı
Tįġini mālikü’r-riķāb itdüm
40. Ser-i engüşt-i tįr-i nuśratını
Ħūn-ı aǾdā ile ħiżāb itdüm
41. Devr-i eflāk ahd-i Ǿadlinde
MenǾ-i aĥkām-ı inķılāb itdüm
42. Çārħ-ı dįv kim burāķ-ı rıfǾatine
ǾArş u kürsi iki rikāb itdüm
43. Tār u pūd-ı şuǾāǾ-ı ħūrşįdi
Ħayme-yi reǿyine ŧınāb itdüm
44. ǾArş u ferşe nevā-yı naǾtuñla
ŞiǾrimi zįb-i nüh-ķıbāb itdüm
45. Feyż-i naǾtuñla noķŧa-yı şiǾrim
Levĥ-i fihrist-i śad-kitāb itdüm
46. Vaśfuñ itdikçe cebhe-yi ŧabǾum
Ġarķ-ı mevc ħūy-ı ĥicāb itdüm
47. Menem ammā o nažm-ı pįrā kim
Dehri pür-gevher-i ħoş-āb itdüm
48. Cūş ķıldıķça ķulzüm-ı ŧabǾum
Āftāb u mehi ĥabāb itdüm
49. Germi-yi sūz-ı reşkile ħaśmuñ
Lücce-yi ŧabǾını sįr-āb itdüm
50. Olalı müstefįđ-i ķalb-i selįm
Böyle bir naǾt-ı müsteŧāb itdüm
51. Tā ümįd-i şefāǾatüñle Fehįm
Diye Ǿıśyān-ı bįĥesāb itdüm
52. Budur ümmįd o Ǿāśiye diyesin
Ki şefāǾatle bere-yāb itdüm
Mustafa Atila, NU’ÛT-I NEBEVİYYE MECMÛASI, Dicle Üniversitesi Sosyal Bilimler Enstitüsü ,Yüksek Lisans Tezi Diyarbakır 2012
Fehim-i Kadim Hayatı ve Eserleri
Fehim-i Kadim Şehrengizi Diğer Eserleri
