Kibâr-ı devlet olmagla kişi mîr-i kelâm olmaz
12.04.2016
(Mefâîlün Mefâîlün Mefâîlün Mefâîlün)
1 Kibâr-ı devlet olmagla kişi mîr-i kelâm olmaz
Girân-kıymet nigînin ekserinde nakş u nâm olmaz
2 Uluvv-ı meşreb eyler âdemi vâreste-i minnet
Hümâ-pervâz olan şâhînlere der-kayd-ı dâm olmaz
3 Gelû-gîr-i heves oldukça bâr-ı hecri em lalin
Zamân-ı gussada yek merde nûş-ı mey harâm olmaz
4 Ne mümkin nazra-i âşık-küşünden dil rehâ bulmak
O tîg-ı gamzeler dest-i nigehde der-niyâm olmaz
5 Lebin emdikçe al terk itme şeftâlû-yı ruhsârın
Nukulsuz bezm-i meyde Haşmetâ şürb-i müdâm olma
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),
