mefâ’ilün mefâ’ilün fa’ûlün

Kılıcuñ boynumuñ pîrâyesidür

Elüñde¶ölmek dil ü cân vâyesidür

İñilde ‘ışk bâzârında iy dil

Ki nâliş ‘âşıkuñ ser-mâyesidür

Beñüñ âhû gözüñden türemiş müşg

Hatuñ sünbül saçuñuñ sâyesidür

Arıt iy dil göñül evini cândan

Çü dilber girüben arayasıdur

Ne var iderse hışmı çeşm-i mestüñ

Lebüñden sormışam ohşayasıdur

Habeş-zâde-dürür hâl-i siyâhuñ

Anuñ hindû külâleñ dâyesidür

Benüm adum sanum bilmezdi kimse

Cihâna ‘ışkuñ adum yayasıdur

O besdür Rûşenî içün diyeler

Bu ol gün yüzlinüñ hem-sâyesidür

Dr. Orhan Kemâl TAVUKÇU, DEDE ÖMER RÛŞENÎ Hayatı, Eserleri, Edebî Kişiliği ve Dîvânının Tenkidli Metni, https://ekitap.kulturturizm.gov.tr/E

Dede Ömer Ruşeni Hayatı Eserleri

Dede Ömer Ruşeni Miskinname