Koçmak istersen o şûhu meclis-i rindâna at

(Fâilâtün Fâilâtün Fâilâtün Failün)

 1 Koçmak istersen o şûhu meclis-i rindâna at

 Sâid-i isyânı sonra gerden-i gufrâna at

 2 Almaga ister ayagın bâde-nûşân-ı bezim

 Süremez gül-gûn-süvâr-ı câm olan meydâna at

 3 Olmayam dersen eger reyyân-ı âb-ı imtinân

 Delv-i maksûdu çeh-i bî-gâye-i hırmâna at

 4 Işka tebdîl eyle zîb ü zîver-i sâmânını

 Hâr u hâşâk-ı sivâyı kulzüm-i ummâna at

 5 Her gelen mamûr olur çünki harâbâta gönül

 Yapmak istersen o şûhu hâne-i vîrâna at

 6 Tahta-i remmâle döndük igbirâr-ı hecr ile

 Kura-i teshîri Haşmet davet-i cânâna at

Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk), 

Haşmet Hayatı

Haşmet ve Fıkraları

Haşmet'ten fıkralar