Miftâhü’l-Ferec’ten
Âni tertîb eyledim Sultân içûn,
Bunu tertîb et Mehmed Hân içûn
............
‘‘Şâh içûn düzmiş idim bir hoş kitâb,
Kim safâ bulurdi andan şeyh û şâb
....................
Okurdi dâima Sultân Murâd,
Gülşen-i ‘Uşşâk idim ad’’ ( Miftâhu’l-Ferec, vr.3b-4a)
Hikâyet-i Münâsib-i În Makâl
Seyr iderken bir gice Mahmûd Şâh
Gördi kim toprak kazar bir merd-i râh
Âteş-i fakr eylemiş gönlinde dâg
Toprag ile eylemiş düz yiri tâg
Çünki anun hâline kıldı nigâh
Çözdi pâzûbendin ol sâ’atde şâh
Kim ser-â-ser cevher idi şâh-vâr
Götürürdi kendüde ol nâm-dâr
Açmag içün hayr ile uçmağa yol
Saldı anı kazılan toprağa ol
Tâ ki ol dervîş anı anda bula
Bay olup bu gussadan âzâd ola
Pes sürüp atını tutdı seyre rû
Bir gice geldi meğer anda girü
Gördi ol âşüfte-hâli bî-karâr
Kim yine toprak kazar zâr u nizâr
Didi anı kim bulupsın bunda sen
Virmez idüm âlemün mâlına ben
Çün gınâ geldi vü gitdi ıztırâr
Şimdi niçündür yine bu kesb ü kâr
Ko bu dervîş işini bul izz ü nâz
Pâdişâhlık kıl ki oldun ser-firâz
Şâha ol toprak kazan virdi cevâb
Kim ne kim hükm eyledün oldur savâb
Lîk buldum zâr iken cünbişde ben
Ol didügün ni’meti bu işdi ben
Çün bu işden oldı devlet âşikâr
Ömrüm oldugınca budur bana kâr
Pes ana k’ola gönülden merd-i râh
Feth ider lutfı kapusın pâdişâh
Sen hemîn gelmeğe eyle ihtimâm
Kim kapu dâ’im açukdur iy hümâm
Derdiyok, İ. Çetin (hzl.) (1998). Cemâlî, Miftâhü’l-Ferec (Tenkitli Metin). Adana. 110-111.