Nesîm-i nev-bahârî gibi geçdi nâvek-i dil-ber
05.04.2016
GAZEL
45
Mefâ`îlün mefâ`îlün mefâ`îlün mefâ`îlün
1 Nesîm-i nev-bahârî gibi geçdi nâvek-i dil-ber
Açıldı sînemün bâgında yer yer kırmızı güller
2 Açılmış gülşen-i mihnetde bir pür-dâne sünbüldür
Nişân-ı seng-i cevrünle tenümde her elif yer yer
3 Gören dir rûy-ı zerdüm dîde-i gam-dîde aglarken
Bitürmiş cûybâr-ı vâdî-i hicrânda nîlüfer
4 Ser-â-pâ katre katre kanlu yaşıyla gören çeşmüm
Nihâl-i erguvân-ı gülsitân-ı derd ü mihnet der
5 Bahâr-ı âlem-i gam yok diyenler var ise Yahyâ
Vücûd-ı dâg-dârun ruy-ı zerdün anlara göster
Hasan KAVRUK, ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞIhttps://ekitap.kulturturizm.gov.tr/Eklenti/
