Ruhsat bulunur dâmen-i cânân ele girmez
12.04.2016
(Mefûlü Mefâîlü Mefâîlü faûlün)
1 Ruhsat bulunur dâmen-i cânân ele girmez
Cânân bulunur gûşe-i imkân ele girmez
2 Her dânesin ârâyiş-i târ-ı nazar eyle
Eşkim gibi bir sübha-i mercân ele girmez
3 Ruhsârını âzürde-i dest-i taleb etme
Efsürde olur ol gül-i handân ele girmez
4 Arz etme abes çâk-i girîbân-ı niyâzı
Feryâd ile ser-rişte-i ihsân ele girmez
5 Koynundan ayırma bil anın kadrini ey şûh
Haşmet gibi bir nüsha-i irfân ele girmez
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),
