GAZEL
Sensiz cihânda âşıka işret revâ mıdır
Sensiz safâ-yı ehl-i muhabbet revâ mıdır
Ölsün mü neylesin olan âşüfte hüsnüne
Kurbanın olduğum seni sevmek hatâ mıdır
Nîm-nigâh-ı çeşminle zerd oldu rûyumuz
Uşşâka sevdiğim nazarın kîmyâ mıdır
Pîş ü pesinde şevk ile rû-mâl olup gider
Sâyen de sana bencileyin mübtelâ mıdır
Gözden nihân olup bu kadar nâz ü işveden
Maksûdun ey perî bize cevr ü cefâ mıdır
Sahn- çemende nağme-keş-i aşk olan aceb
Bülbül müdür nahifî-i şîrîn-edâ mıdır