Subh-dem yil gibi yilüp azm-i yâr itsem gerek

Yüz süriyü işiginde cân nisâr itsem gerek

 

Dil saçı sevdâsına tolaşdı çünkim ol mehün

Cân virüp bu kâr u bârı târmâr itsem gerek

 

Sihr ile câdû gözi cân mülkini idüp harâb

Işkınun bünyâdını ben üstüvâr itsem gerek

 

Zülfinün câdûsına meyl itdügi şehbâz-ı dil

Ol hümâyı yine ben peşşe şikâr itsem gerek

 

Ol mehün mihrin alem gibi nişân itmek içün

Sırr-ı ışkını cihâna âşkâr itsem gerek

 

Bu Harîmî zühd ü takvâya kadem basmak içün

Işk yolında melâmet ihtiyâr itsem gerek

 

Kılıç, Filiz (1996). “Osmanlı Hanedanında Bir Şair: Şehzade Korkut”. Ahmet Yesevi Üniversitesi Sosyal Bilimler Dergisi (2): 212.