(Fâilâtün Fâilâtün Fâilâtün Fâilâtün)
1 Sürme-i çeşm-i tahassür şâm-ı vuslatdır bana
Tûtiyâ-yı rûşenâyî gerd-i külfetdir bana
2 Cây-ı tenhâ istemez zevk-âşinâyân-ı şühûd
Gûşe-i vahdet ferâmûşî-i kesretdir bana
3 Rişte-i tûl-i emel ârâma olmaz râbıta
Çeşm-i sûzen revzen-i pehnâ-yı ibretdir bana
4 Dest-i ahbâba giren kalır surâhîveş tehî
Revnak-ı bezm-i selâmet terk-i ülfetdir bana
5 Arş-pâye eyledi tecrîd çerh-i atlası
Terk-i zîb-i mâ-sivâ hubb-ı riyâsetdir bana
6 Pür-safâdır sît-i bülbülveş gülâsâ zîb-i dest
Zevk-i gül âvâz-ı bülbül nazm-ı Haşmet’dir bana
Dr. Mehmet Arslan-İ. Hakkı Aksoyak. Haşmet Külliyatı (Dîvân, Senedü’ş-şuara, Viladet-name, İntisabü’l-müluk),