Zâhidâ ibret gözin aç sûret-i zîbâya bak
20.03.2016
Fâ’ ilâtün fâ’ ilâtün fâ’ ilâtün fâ’ ilün
Zâhidâ ibret gözin aç sûret-i zîbâya bak
Bir nazar âyîne-i sun’ -ı cihân-ârâya bak
Dildür ol bahr-i hakîkatden vücûdun mülkine
Şol derûnuñ ‘ âleminde mevc uran deryâya bak
Baht-ı bî-bünyâd içün renc-i talebden fârig ol
Bâri bir kaç gün huzûr-ı kalb ile dünyâya bak
Câmveş kimdür bu bezm içre ciger-hûn olmayan
Gonca-i gülzârı seyr it lâle-i hamrâya bak
Hâl-i zâr-ı Bâkî-i bî-dilden isterseñ nişân
Kâmet-i çeng-i dü-tâya rûy-ı zerd-i nâya bak
