Babası ile gelse de gelsün civânumuz

- - . / - . - . / . - - . / - . -

1.Babası ile gelse de gelsün civânumuz

 Baş üzre yiri var o da babâyî cânumuz

2.Bir bülbülüz ki hûn-ı sirişk ile dâ’imâ

 Her kande olsa gülşen olur âşiyânumuz

3.Her lahza rûy-ı zerdi yaşum lâle-gûn ider

 Birdür hevâ-yı gamla bahâr u hazânumuz

4.Neyler gubârı zevkın alan dürd-i bâdenüñ

 Peymânedür efendi bezm-i cür‘adânumuz

5.Yârüñ işigi taşını levh-i mezâr idüñ

 Tâ kim ‘Atâyî söylene nâm u nişânumuz

6.Hûn-ı sirişk-i dîde pür eyler mekânumuz

Bir bülbülüz ki gülşen olur âşiyânumuz

7.Pâyine yüz sürüp döşenür sâye-veş göñül

 Ser-keşlük eyledükce o serv-i revânumuz –

Nevizade Atai Nev'îzade AtâyiHayatı Eserleri

Nev'izade Atayi'nin Hamsesi Ve Hezliyat

Nev'izade Atayî Divanı Hadaikül Hakayık Şakayık Zeyli

Nevizade Atai Alemnüma ve Sakiname Mesnevisi