Bâde-i nâb ile buldı ruh-i cânân revnak
17.06.2017
Bâde-i nâb ile buldı ruh-i cânân revnak
Gûyiyâ güller ile buldı gülistân revnak
2. Zülf-i miskîn ki ruh-i yâr ile tâbendedürür
Şem‘-i pür-nûr ile san buldı şeb-istân revnak
3. Dâne dâne ruh-i dilberde arak gören dir
Cem‘-i kevkeble ne bulmış meh-i tâbân revnak
4. Göricek yaşumı nâz ile salınur ol yâr
Cûy- bâr ile bulur serv-i hırâmân revnak
5. İşidüp nâlemi handân olur ol yâr bulur
Na‘ra-i bülbül ile gonca-i handân revnak
6. Eşk-i çeşmümle olur lâ‘l-i leb-i yâr ferih
Tâb-ı kevkeble bulur lâ‘l-i Bedahşân revnak
7. Hatt ü hâl ile bulur ‘Avnî ruh-i yâr şeref
Bâblarla nitekim buldı Gülistân revnak
Fatih Sultan Mehmet Hayatı
