Gazel
Be hey güzel begüm baña hemîşe niçe bir cefâ
Bu bende neyledüm saña hemîşe niçe bir cefâ
Be hey iki gözüm güzel güzeller içre bî-bedel
Cefâdan imdi vaz gel hemîşe niçe bir cefâ
Be hey benüm iki gözüm ayaguñ altına yüzüm
Hemîn saña budur sözüm hemîşe niçe bir cefâ
Be hey begüm bu bendeye bu ‘âşık-ı fikendeye
İkide bir de sen diye hemîşe niçe bir cefâ
5 Bu Nazmîye hey âfetüm be hey benüm kıyâmetüm
 devletüm sa’âdetüm hemîşe niçe bir cefâ