Gazel
Bezmde bir şûh u şengül yâr-ı şem’
Bir semen-ten serv-kad dildâr-ı şem’
Bir semen-ten serv-kad mahbûbdur
Kim dakınmış başına gülnâr-ı şem’
Urunub başına zerrîn şeb-külâh
Geldi bezm-i şâha şâhid-vâr şem’
Mâh-rûlar gibi her şeb şevkle
Ehl-i bezme gösterür dîdâr-ı şem’
Meclis içre yiridür pür-şevk olub
Olsa her şeb tâ seher-i bîdâr şem’
Şevkini her şeb kamer-veş dilbere
Meclisinde ‘arz ider her bâr şem’
Her gice mey meclisinde Nazmiyâ
Ehl-i dil pervânedür dildâr-ı şem’