OLUR REDİFLİ GAZEL
Bir dil ki tâb-ı ‘ışk ile âteş-nihâd olur
Cevrün de görse şu’le-i şevki ziyâd olur
Her hûn-ı dîde penbe-i dâğ üzre kim düşer
Hasret-zemîn-i sînede güller güşâd olur
Âh ol şarâb-ı nâzuna vü lutf-ı keyfe kim
Gamzenle ‘işveye sebeb-i ittihâd olur
Levh-i hayâle nakş-ı hattun kim çeker gönül
Ana sevâd-ı merdüm-i dîde midâd olur
Yek-rengî-i mahabbeti gör kim Neşâtîyâ
‘Âşık ki sitemle pür gam iken yine şâd olur