Bu süllem-pâye-i ikbâle kim şeddâd ayak basmış
Nâ’ilî-i Kadîm
1.Bu süllem-pâye-i ikbâle kim Şeddâd ayak basmış
Felek kasr-ı vücûdun itmeğe berbâd ayak basmış
2.Birinin ser-nüvişti iane olmuş birinin tîşe
Düşüp sahraya Mecnûn kûha kim Ferhad ayak basmış
3.Sıkılmış nâz-ı bahta dest-burd-ı çarh-ı gaddara
Recâ-yı nâmurâdîde dil-i nâşâd ayak basmış
4.Yapışmış dâmen-i tevfîka dil dest-i irâdetle
Felekden etmemiş bir kerre istimdâd ayak basmış
5.Alâyıkdan beri azadedir gamdan o server kim
Arûs-ı kâm-ı dehre olmamış dâmâd ayak basmış
6.Şikeste câm-ı rahşân bade rızân bezme dest-efgân
Meğer bir zâhid-i hüşk ü riyâ-mu‟tâd ayak basmış
7.Felek tasından etmiş ka‟beteyn-i mihr ü mâh-âsâ
Bu şeş-dergâh-ı istidrâca çok nerrâd ayak basmış
8.Dil-i ferzâne bir uğranmamış semt ihtiyar etmiş
İşitmiş Nâ‟ilîden mülk-i nazma yâd ayak basmış
(Nâ‟ilî -i Kadîm Divanı, 1990: G.178)
Mefâ„îlün Mefâ„îlün Mefâ„îlün Mefâ„îlün
