Cüdâ düşdüm o cânândan dirîgâ
05.04.2016Gazel
Cüdâ düşdüm o cânândan dirîgâ
Meded dûr oldı cân andan dirîgâ
Cüdâ olmak leb-i cânâneden âh
Cüdâ olmakdurur cândan dirîgâ
Dahı seyrinden ol yâruñ cüdâlık
Cüdâlıkdur hey îmândan dirîgâ
Zelîl olsam nola ben bende ki;oldum
Cüdâ bir özge sultândan dirîgâ
5 Benem Nazmî ki çekdüm döne döne
Cefâ vü cevr devrândan dirîgâ
0
1
Yorum Yapmak için Kayıt Olun veya Giriş Yapın