Çün yüzün vasfı bülbüle düşdü
06.04.2016
Gazel / Düşdü
Çün yüzün vasfı bülbüle düşdü
Bâğ arasına gulgule düşdü
Yanağı lutfun lâle öğerdi
Gülşen içinde gül güle düşdü
Zülfün ü halin her ki göre der
Sünbül-i terdir fülfüle düşdü
Şâh meğer kim cân dilemişdir
Uşda benim der kul kula düşdü
Dilbere kulluk bizlere lâyık
Haydar’a hizmet Düldül’e düşdü
Def’-i melâl edemedi bülbül
Şimdi işimiz mülmüle düşdü
Lebleri câmın söyledi Şeyhî
Şîşe safâdan kulkule düşdü
Şeyhi Hayatı Edebi Kişiliği Eserleri
Şeyhi Hüsrev-i Şirin Mesnevisi
