Dilâ gam çekme çâh-ı gabgab-ı cânânda kalmazsın

1.Dilâ gam çekme çâh-ı gabgab-ı cânânda kalmazsın

 Virüp la‘line cân borcın çıkar zindânda kalmazsın

2.Tahammül eyle yârân-ı belâya râh-ı ‘aşk içre

 Varursın menzil-i maksûduña yabanda kalmazsın

3.Bu ‘ukde açılur elbetde bir gün rûzgâr ile

 Dilâ gird-âb-ı mihnetden çıkar ‘ummânda kalmazsın

4.Kalursın subha dek bezm-i rakîbi rûşen eylersin

 Niçün ey mâh-ı tal‘at külbe-i ahzânda kalmazsın

5.Dönersin görmedüge bâde-i bezm-i gamı bir gün

 ‘Atâyî sen de âhir gûşe-i hicrânda kalmazsın

Nevizade Atai Nev'îzade AtâyiHayatı Eserleri

Nev'izade Atayi'nin Hamsesi Ve Hezliyat

Nev'izade Atayî Divanı Hadaikül Hakayık Şakayık Zeyli

Nevizade Atai Alemnüma ve Sakiname Mesnevisi