Egerçi yirüm uçmakdur bezenmiş kasr-ı nûrânî
Çü dîdârunı görmezven tamudur n'iderem anı

Eger şehr ola ger gülşen cemâlünsüz safâ virmez
Niçeme hûb ise ziştdür beden kim olmaya cânı

Sa'âdet güneşi sensin ki şu'len külli devletdür
Kime kim irişe nûrun irişür ferr-i subhânî

Tapunla öğrenen kimse tahammül kılsa hicründen
Değüldür âdemî v'allâh ko gitsün değme hayvânı

İlâhî şâhumun ömri hemîşe müstedâm olsun
Ola birgün ki ben kula kıla vaslından erzânî

Senünle bu fenâ dünyî bugün firdevs-i alîdür
Ve ger sensüz ola yarın gerekmez hûr u Rıdvân'ı

Visâl isterse Şeyhoğlı firâka sabr ide görsün
Karanulıkda bulmışdur bilün Hızr âb-ı hayvânı

vezni: mefâîlün mefâîlün mefâîlün faûlün

 

       Şeyhoğlu Mustafa Hayatı ve Edebi Kişiliği

       Şeyhoğlu Mustafa Marzubân-nâme

       Şeyhoğlu Mustafa Hurşitname ve Özeti

       Kenzü'l Küberâ Şeyhoğlu Mustafa