Eyleseñ Mushaf-ı ruhsâruñ içün fâl baña
12.09.2017
5.
. . - - / . . - - / . . - - / . . –
1.Eyleseñ Mushaf-ı ruhsâruñ içün fâl baña
Lâm-ı zülfüñ ola dil derdi içün dâl baña
2.‘Âkıbet nolacagum dâg u elifden bilürem
Safha-i sîne yiter tahta-i remmâl baña
3.Eksük olmaz zer-i pür-tâb gibi dâg-ı derûn
Hasene yazsun anı kâtib-i a‘mâl baña
4.Vâ‘izâ ta‘nı gider ‘âşık-ı dem-bestelere
Kısmet olmış ezelî kâl saña hâl baña
5.Beslemişken nice biñ hûn-ı ciger ile anı
Gör neler itdi ‘Atâyî dil-i meyyâl baña
…………..
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
Nevizade Atai Nev'îzade AtâyiHayatı Eserleri
Nev'izade Atayi'nin Hamsesi Ve Hezliyat
