Fütâdeler dil-i zârı o la‘l-i nâba virür
08.04.2016
. - . - / . . - - / . - . - / . . –
1.Fütâdeler dil-i zârı o la‘l-i nâba virür
Cihânda ‘aklı olan varını şarâba virür
2.Bu demde zühd ile seccâdesini suya salan
Şarâba rehn idüp esbâb-ı zühdi âba virür
3.Muhabbet ehli görüp yâri aldurur kendin
Göñül memâlikin ol şâh-ı kâm-yâba virür
4.Edâniye düşer elbette ni‘met-i dünyâ
Virürse pâre-i nânı yine kilâba virür
5.‘Atâyî künc-i harâbâtı ‘âleme virmez
Şarâb bulmayıcak ‘âlemi harâba virür
Nevizade Atai Nev'îzade AtâyiHayatı Eserleri
Nev'izade Atayi'nin Hamsesi Ve Hezliyat
