GÜŞADE REDİFLİ GAZEL
Gâhî ki gelüb bezme ol yâr güşâde
Meclisde olur sad dil-i gam-hâr güşâde
Seyr it beden-i nâzükini çâk-i kabâdan
Mestâne o şeh dügme-i zer-târ güşâde
Çöz bend-i ser-i zülfini iy şâne ki olsun
Dillerde olan ‘ukde-i efkâr güşâde
Gör lutfını sâkî-i safâ-bahş-ı bahârun
Bir câm ile olmış gül-i gülzâr güşâde
Olsa yaraşur bülbül-i pür-şevk Neşâtî
Olmakda yine gül gibi dil-dâr güşâde