GAZEL 

Fâ'ilâtün / fâ'ilâtün / fâ'ilâtün / fâ'ilün

Geldi dehre etti gitti hazret-i Monla semâ
Ol zamânın vâlih ü hayrânıdır hâlâ semâ

Halkı sermest-i tegâfül eyleyip tenhâ gelip
Âhir-ı mecliste etti yâr-ı bî-pervâ semâ

Sûfi-i pîçîde-dâmen zâhid-i pâ-der-gili
Râh-ı cânda eylemez kendisine hem-pâ semâ

Şûle-i âh-ı derûn-ı mevlevîden bâl açıp
Oldu bir şehbâz-ı kuds-i âsümân peymâ semâ

Şeş cihetten zimmetin ibrâ için sermest olup
Tâ huzûr-ı yâra çıkdı bî-ser ü bî-pâ semâ

Hükmüi bişnevdir sened destinde hâlâ mutribin
Hallini Monlâ-yı Rûm’dan etti istiftâ semâ

Nâydan emr-i ecûbû dâ’iyu’llâh gelmese
Etmez idi enfüs ü âfâka istîlâ semâ

Şûle-i âvâz-ı ney âvâze-i inî ene
Mûsî-i hayret-zede dil vâdi-i Sînâ semâ

Müjde-i teşrîf-i Monlâ vahy olup mîrâcda
Farz oldu ehl-i derde ol gece gûyâ semâ

Oldu envâr-ı tecellî meclise Esrâr bu şeb
Şübhe yokdur etti rûh-ı pâk-ı Mevlânâ semâ

Esrar Dede Hayatı ve Şeyh Galip'le Dostluğu

Esrar Dede'ye Mersiye : Kan ağlasın bu dîde-i dürbârım ağlasın

Şeyh Gâlip Seçkin Şiirleri Hayatı Hüsn ü Aşk'tan Örnekler

Şeyh Galip Hayatı Edebi Kişiliği ve Eserleri

Hüsn-ü Aşk Mesnevisi Şeyh Galip