Gönül biganelerle aşinadır ya Resulallah
Gönül biganelerle aşinadır ya Resulallah
Der-i devlet-meabundan cudadır ya Resulallah
Zer-i hurşid-i mahşer kursadır iksir-i halünden
Reh-i ışkunda ol kim hak-i padır ya Resulallah
Sarardır zikrü fikrün çehresün erbab-ı tevhidün
Siyeh haki zer eyler kimyadır ya Resulallah
Dil-i meyyali de bir şebnem-i naciz farz eyle
Gül-i bağ-ı cemalün pür-nemadır ya Resulallah
Sözün makbul-i dergah-i Samed dillerde evsafun
Şefi-i halk u mahbub-i Hudadır ya Resulallah
Olan hadi sırat-ı müstekime şer-i pakündir
Bu alem berzah-ı havf u recadır ya Resulallah
Ne denlü Naili şayan-ı tertib-i ceza olsa
Cenabündan şefaat mültecadır ya Resulallah