Görünmez yâr ben mağlûb-ı aşkam ıztırâbum var
Gazel:
Görünmez yâr ben mağlûb-ı aşkam ıztırâbum var
Görünmez yâr ben mağlûb-ı aşkam ıztırâbum var
Beni mest eyle sâkî gel ki yânımla itâbum var
Hatun âyatmun tefsîrine bir vech buldum kim
Su'al eylerse zâhid bir su'âle bin cevâbum var
Dehâmın sıfrını sîfî tutarmış yok hesabiyle
Hele rûz-ı hesâb olsun anımla çok hesâbum var
Salâdur âleme câm-ı belâdan zevk eden gelsün
Harîf-i meclis-i aşkam tokuz şîşe şarâbum var
Garîb-i aşkam amma sâye-i lütfunda hoş hâlüm
Beni tenhâda sanman zerre perver âfitâbum var
Gedâ isem nola bâlâ-nişîn-i meclis-i kurbum
Gedâsından kaçınmaz bir şeh-i âl-i cenâbum var
Bihamdillah mukîm-i âsitân-ı aşkam ey
Ruhî Ne bakim var bir öyle bârgâha intisâbum var
(Başlangıcından Günümüze Kadar Büyük Türk Klâsikleri, 4. c, İstanbul, 1986, s. 117-122)
