GAZEL
Görünmez yâr ben mağlûb-ı aşkam ıztırâbum var
Beni mest eyle sâkî gel ki yârumla itâbum var
Hatun âyâtınun tefsirine bir vech buldum kim
Su’âl eylerse zâhid bir su’âle bin cevâbum var
Dehânun sıfrını sâfi tutarmış yok hesâbiyle
Hele rûz-ı hesâb olsun anunla çok hesâbum var
Salâdur âleme câm-ı belâdan zevk eden gelsün
Harîf-i meclis-i aşkam tokuz şîşe şarâbum var
Garîb-i aşkam ammâ sâye-i lûtfında hôş-hâlüm
Beni tenhâda sanman zerre-perver âfitabum var
Gedâ isem nola bâlâ-nişîn-i meclis-i kurbum
Gedâsından kaçınmaz bir şeh-i âlî-cenâbum var
Bihamdillah mukim-i âsitân-ı aşkam ey Rûhî
Ne bâkim var bir öyle bargâha intisâbum var