Gurre-i garâ-yı ebrûsı yiter yârüñ baña

- . - - / - . - - / - . - - / - . –

1.Gurre-i garâ-yı ebrûsı yiter yârüñ baña

 Saña şimdi ey meh-i rûze ırakdur merhabâ

2.Reşk-i İskender degül mi devrüñ ey mâh-ı siyâm

 Oldı bir mîl üzre niñ âyine-i ‘âlem-nümâ

3.La‘l-i rahşân ile bir nahl-ı murassa‘ sandılar

 Her menârı şu‘le-i kandîl idince pür-ziyâ

4.Yâm-ger bir gird-bâd alup hazân evrâkını

 Raks ider şeb-tâ-seher menzilgehi evc-i hevâ

5.Görinür yir yir müşebbek olmagın ahkerleri

 Her minâre destine bir micmer olmış gûyiyâ

6.Nesne geçmez şimdi hîç ansız bogazdan hâsılı

 Şâhid-i ‘ıyda katı müştâk yârân-ı safâ

7.Ey ‘Atâyî bûse-i la‘lin temennâ eyledüm

 nâz ile agzum mühürlidür didi ol dil-rübâ

…………..

Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994

Nevizade Atai Nev'îzade AtâyiHayatı Eserleri

Nev'izade Atayi'nin Hamsesi Ve Hezliyat

Nev'izade Atayî Divanı Hadaikül Hakayık Şakayık Zeyli

Nevizade Atai Alemnüma ve Sakiname Mesnevisi