Hâl-i dili ne yâr ü ne ağyâr ile söyleş
Ferhâd-ı belâ-keş kûh-sâr ile söyleş
 
Yetmez mi sana hem-demi'-i nâle-i hasret
Ne hem-nefes ol nâya ne evtâr ile söyleş
 
Zulmet-gede-i gamda dilün sûz ü güdâzın
Dök hâke yaşın şem-i şeb-i târ ile söyleş
 
Gûş et ceryânında olan sit-i safayı
Var gül-şene cûş-i dili enhâr ile söyleş
 
Râz-ı dilüni açma Neşâti gibi yâre
Evvel hele ol gamze-i mekkâr ile söyleş