27.11.2021
Gazel
Harabâtı görenler her biri bir hâletin söyler
Safâsın nakl ider rindân ü zâhid sıkletin söyler
Ser-âgâz eyledikçe bahse bülbül revnak-ı gülden
Bez[i]mde kulkul-i mînâ mülün keyfiyyetin söyler
Tecellî neş’esin ehl-i şikem idrâk[a] kâbil mi
Behişt andıkça zâhid ekl ü şürbün lezzetin söyler
Ne zabt-ı hâkim-i aklî ne hükm-i zâbit-i şer‘î
Cünûn iklimini seyr eyleyenler râhatın söyler
Miyân-ı güft [ü] gûda bed-meniş îhâm eder kubhun
Şecâ‘at arz iderken merd-i kıbtî sirkatin söyler
Muvâfıkdır yine elbet mizâca şîve-i hikmet
Tabîbün olsa da kizbi marîzün sıhhatin söyler
Perîşân hâtırımda nükte-i ser-beste-veş kaldı
Ne kimse hikmetin anlar ne Râgıb illetin söyler
0
0
Yorum Yapmak için Kayıt Olun veya Giriş Yapın