Hâsılı çün mezra‘-ı dünyânuñ oldı gam baña

 
Hâsılı çün mezra‘-ı dünyânuñ oldı gam baña
 Yıllar ile ağladı hâlüm görüp Âdem bana
 
2. Şem‘ çün gördi gözüm yaşın derûnum âteşin
 Bezm-i gamda akıdur gözyaşını her dem bana
 
3. Gam şebi efgânum işidilmez olsa za‘fdan
 Zîr ü bem âheng iderse tañ degül a hem baña
 
4. Cân viricek âkibet sevdâ-yı zülfüñden señüñ
 Ehl-i diller karalar geysün dutup mâtem baña
 
5. Nîş-i fürkat ye’si nûş-ı vuslat ümmîdi müdâm
 Zülf ile lâ‘lüñ firâkında yeter em sem bana
 
6. ‘Işk içinde kimi yâr idem kime hâlüm diyem
 Düşmen oldılar señüñçün dôstum ‘âlem baña
 
7. Kâ‘be hakkı ‘Avnî baş egmez nemâza yüz yumaz
 Kaşlaruñ mihrâbına secde yeter kıblem bana
 

Avni Fatih Sultan Mehmet Hayatı Şairliği

Fatih Sultan Mehmet Avni Divanı ve Edebi Kişİliği

Fatih Sultan Mehmet ve Anekdotları