Her dîdede bir sûret ile cilve-nümâsın

Her dîdede bir sûret ile cilve-nümâsın

Bin renge girer bûkalemûn-nakş-ı cefâsın

Ayyâr nigâhın gibi âheste-rev olsan

Câsûs-ı serâ-perde-nişînân-ı kazâsın

Gamzen gibi hem nükte-i râz-ı dile mahrem

Nezzâre-i âşık gibi hem râz-güşâsın

Tâb-ı ruhun oldukça füzûn şu’le-i meyden

Bir lem’ası dünyâyı yakar berk-ı belâsın

Yok hüsn ile bir yerde kararın yine dâ’im

Ârâm-ı dil-i Nâ’ilî-i bî-ser ü pâsın

(İpekten, Halûk (hzl.)(1990) Nâilî Divanı. Ankara: Akçağ Yay. 276.

Naili  Şiirleri

Naili  Hayatı

Naili Divanı