İrdi hengâm-ı safâ fasl-ı bahâr oldı yine

YİNE REDİFLİ GAZEL


İrdi hengâm-ı safâ fasl-ı bahâr oldı yine
Vakt-i gül mevsim-i feryâd-ı hezâr oldı yine

Âteşîn câme ile şâhid-i gül gülşende
Hanmân-sûz-ı dil-i bülbül-i zâr oldı yine

Çeşmine tâ ki çeke sürme-i nâzın nergis
Bâgda cûy-ı çemen âyînedâr oldı yine

Nergisün gonçeye seyr it nigerânın bî-bâk
Şâh-ı gül hışm ile hançer-keş-i hâr oldı yine

Bülbül-i tab’-ı Neşâtî n’ola olsa pür şevk
İrdi hengâm-ı safâ fasl-ı bahâr oldı yine

  Neşâti Şiirleri

Neşati Divanı

Neşati Hayatı